د سلام پوهنتون علمي مرستیال لنډه پیژندنه او پیغام
 

دسلام پوهنتون علمی مرستیال دکتور مصباح الله عبد الباقی لنډه پیژندنه:





پوهنوال ډاکټر مصباح الله د حاجی عبدالباقی زوی په۱۳۴۶هـ ش کال کی د افغانستان دننګرهار ولایت دروداتو دولسوالی دکمر په کلی کی زیږیدلی.

لومړنۍ زده کړی یې د حصارک او مزینی په متوسطه کی سرته رسولی (تر پنځم صنف پوری) بیا د کمونستي کودتا په نتیجه کی د خپلی کورنۍ سره هجرت ته مجبور شو، او نوری زده کړی یې په پاکستان کی په بیلا بیلو مدارسو کی سرته رسولي.

په ۱۹۸۹م کی داسلام آباد دبین المللی اسلامی پوهتنون د اصول الدین په پوهنځي کی شامل شو، او د همدی پوهنځي څخه یی د حدیث او تفسیر په څانګو کی دماستری شهادتنامه په ۱۹۹۳م او دکتورا شهادتنامه په ۲۰۰۱م کی  ترلاسه کړی.

په کال ۱۹۹۳م کی د ماسترۍ د مرحلی څخه د فراغت نه وروسته، د بین المللي اسلامي پوهنتون د اصول الدین په پوهنځي کی د استاذ په صفت وګمارل شو.

د۱۹۹۳م کال څخه تر ۲۰۱۱م کال پوری یی داسلام آباد په بین المللی پوهنتون کی داصول دین دفاکولتی دتفسیر په څانګه کی دتدریس دنده ترسره کړی او دهغه پوهنتون څخه یی دپوهنوالی (Associate Professor)علمی درجه ترلاسه کړی.

دتدریس تر څنګه یی داصول دین دفاکولتی دڅیړنو دهیئت دمنشی په حیث، د پوهنځی د کاریکولم د کمیټی د غړي، او د تفسیر د دیپارتمنت د کاریکولم د کمیټی د رئیس په حیث دنده ترسره کړی.

په نوموړي پوهنتون کی د دکتوراه او ماستری دمرحلی دمحصلینو او محصلاتو دډیرو بحثونو په تیارولو کی یی د لارښود استاذ په صفت دنده ترسره کړی.

په ډیرو بین المللی علمی کنفرانسونو کی یی ګډون کړی دی، او مقالی یې پکی لوستی دي.

د الاتحاد العالمي لعلماء المسلمین (د مسلمانو علماو نړیوال اتحاد) او رابطة علماء اهل السنة (په نړۍ کی د اهل سنتو د علماو د رابطی) غړی دی.

د اسلام آباد د نړیوال پوهنتون څخه د نشریدونکی مجلی (Insight) د هیأت تحریر غړی او د سلام پوهنتون علمي مجلی د تحریر مدیریت په غاړه لري.

دسیمییزو او استراتیژیکو څیړنو دمرکز دعلمی هیئت غړی هم دی.

لیکنی:

الامام أبو جعفر الطحاوی وأثره في نقد الحدیث، په مصر کی د دار السلام نشراتي اداری له خوا په ۲۰۱۰م کال چاپ شوی دی.

(حقیقة الغزو الأمريكي لأفغانستان) په عربی ژبه، په مصر کی ددار التوزیع والنشر الاسلامیه لخوا په ۲۰۰۵م کال کی خپور شوی دی.

النبوة والأنبیاء په عربي ژبه په کابل کی د رسالت د نشراتي مرکز له لوری چاپ شوی دی.

(واقع المدارس الدینیه فی پاکستان) په عربی ژبه، په سعودی عربستان کی دملک فیصل داسلامی څیړنو دمرکز لخوا په ۲۰۰۷م کال کی خپور شوی دی.

(دحامد کرزی په واکمنی کی دښوونی او روزنی بهیر) په پښتو ژبه کی ددالان دعلمی او فرهنګی ټولنی لخوا په ۱۳۸۷هـ ش کال کی خپور شوی دی.

المدارس الدینیة فی باکستان من الجامعة الحقانیة الی المسجد الأحمر، په مصر کی د مدبولی نشراتی اداری لخوا په کال ۲۰۰۸م نشر شوی دی.

اسلام ونوګرایی د اصلاح افکار نشراتی اداری له خوا چاپ شوی دی.

غربی تمدن، شالید، حقیقت او فکري بنسټونه، په ۲۰۱۴م کی د اصلاح افکار نشراتي له خوا چاپ ته رسیدلی

اسباب الاختلاف وأثرها فی تفسیر آیات الأحکام (د دکتوراه بحث) تر اوسه چاپ شوی نه دی.

الغناء والموسیقی بین التحلیل والتحریم (د موسیقی او سندرو حکم) تر چاپ لاندی.

الأسلوب الامثل لترجمة القرآن الکریم تر چاپ لاندی دی.

زیات شمیر علمي څیړنی یی په نړیوالو علمی او تحکیم شوو مجلو او ویب سایټ پاڼو کی خپری شوی دی.

 

د علمي مرستیال پیغام

درنو استاذانو، ګرانو محصلینو او محصلاتو، تر ټولو دمخه تاسی ته ددی مبارکی وایم چی د علم لار مو د ځان لپاره غوره کړی ده، دا هغه لار ده چی انسان من حیث فرد، او ملتونه پری د پرمختګ لوړو منزلونو ته رسیږي، له بلی لوری دا هغه لار ده چی په دی کی انسان هر څومره مخ ته ولاړ شي په هماغه اندازه یی قدر او قیمت لوړیږي، له دی امله دا ډیره مبارکه او د ویاړ وړ لار ده.

موږ او تاسی چی سلام پوهنتون کی د درس او تدریس مسؤولیت په غاړه لرو، باید هغه لوړو اهدافو ته په جدي توګه متوجه اوسیږو چی سلام پوهنتون یې د خپلو درنو استاذانو او ګرانو محصلینو او محصلاتو څخه غوښتنه کوي، د استاذانو څخه په دی لحاظ چی هغوي د خپلو محصلینو او محصلاتو د روزلو او هغوي ته د درس ورکولو په وخت دا خپل نصب العین او هدف وګرځوي، او د محصلینو او محصلاتو څخه په دی لحاظ چی هغوي د هر کار او هر علمي او عملي فعالیت د سرته رسولو په وخت کی دا اهداف په پام کی ولري، او هر وخت ځان وتلي چی ددی اهدافو په لاس ته راوړلو کی یې څومره پرمختګ کړی دی، دا اهداف په لاندی ډول دي:

لومړی: د سلام هر محصل او محصله باید په خپل دین ښه ملتزم او د اخلاقو په لحاظ ښه انسان وي، ځکه هغه انسان چی درست التزام او ښه اخلاق ونه لري ملت او هیواد د هغی د تخصص څخه ډیره ګټه لاس ته نشي راوړی.

دویم: د سلام پوهنتون هر محصل او محصله باید لومړی د خپل ملت، خپل هیواد، د اسلامي امت او نهایتا د ټول بشریت سره مینه ولري، او د خپل هیواد د پرمختګ، او په نړۍ کی د علم د پرمختیا او د هغی پر بنسټ د بشریت د خدمت لپاره ژمن وي، ځکه یو داسی متخصص چی هغه دا ډول تعهد ونه لري هغه د خپل هیواد لپاره په ځانګړی توګه او د بشریت لپاره په عامه توګه مفید نشي ثابتیدلی.

دریم: د سلام پوهنتون هر محصل او محصله باید په خپل علمي تخصص کی پوره او بشپړ مهارت ولري، همدا زموږ د دین غوښتنه هم ده، پیغمبر صلی الله علیه وسلم فرمایي: (الله تعالی دا غوره ګڼي چی هر څوک چی هر کار کوي چی هغه په پوره دقت او په ډیر ښه شکل یې سرته ورسوي) او علم او تحصیل خو تر ټولو غوره او ښه کار دی، نو په دی کی پوره مهارت ترلاسه کول او دا په ښه توګه سرته رسول ددی حدیث تر ټول ښه مصداق دی، که یو محصل په خپل علمي تخصص کی مهارت ونه لري بیا هغه مسؤولیتونه سرته نشي رسولی چی په ټولنه کی دی ته منتظر دي.

څلورم: د سلام پوهنتون محصلین او محصلات د تحصیل په دوران کی هغه مهارتونه هم تر لاسه کړي چی د هغی له لاری خپل علمي معلوماتونه لا زیات کړی شي او په ښه توګه یې نورو ته ورسولی شي، او ددی ترڅنګ یې په ښه توګه په عمل کی پیاده کړی شي، په دی کی  ژبني مهارتونه (د هغه ژبو یادول چی د هغی د تخصص مراجع او مصادر پکښی زیات دي) د بحث او څیړنی مهارتونه، د خطابی او خلکو ته د خپلی خبری په مؤثره توګه د رسولو مهارتونه، او همدا راز په عملي توګه د خپل تخصص د کارونو سره بلدتیا شامل دي.

محترمو استاذانو! تاسی وګورۍ چی ستاسی هر قدم، هر فعالیت له دی یاد شوو هدفونو څخه کوم هدف لاس ته راوړي؟ او له دی څخه کوم هدف ته ګران محصلین او محصلات نږدی کوي؟.

درنو محصلینو او محصلاتو! تاسی وګورۍ ایا په واقعي شکل ددی اهدافو د لاس ته راوړلو په لور په حرکت کی اوسۍ؟ ایا ددی اهدافو د لاس ته راوړلو لپاره هڅه کوۍ؟ که داسی وي نو بیا باید د الله تعالی شکر پرځای کړو چی درست لور ته په حرکت کی یو، او که داسی نه وي نو باید له همدی لحظی څخه ددی هوډ وکړو چی دی لور ته په حرکت شو، تر څو د خپل ځان، خپلی کورنۍ، لپار د ویاړ، او د خپل هیواد، اسلامي امت او ټول بشریت لپاره د خیر او خدمت وسیله او مصدر وګرځو.

والسلام

دکتور مصباح الله عبدالباقی
معاون علمی پوهنتون



 

 


Men's high value comes from the appearance of rolex replica uk high demand for their own management. They have a breitling replica thin dress, a strip of flesh, seemingly casual but actually in the details reflect the high quality of the omega replica dress. With some exquisite accessories to decorate, whether or tie clip are carefully considered cufflinks on the election, is a piece of men's replica rolex watches sublimation of the whole shape, reflecting the unique personality and high taste.