د سلام پوهنتون په تالار کې د قران کریم د ترجمې او تفسیر دوره پای ته ورسیده

د سلام پوهنتون په تالار کې د قران کریم د ترجمې او تفسیر دوره پای ته ورسیده

 

نن د  ۱۳۹۵کال چې د حوت د میاشتې ۱۹ مې سره سمون خوري د سلام پوهنتون په تالار کې د قران کریم د ترجمې او تفسیر دوره پای ته ورسیده.

یاده دوره چې د یو کال لپاره پرمخ وړل شوی وه نن یی د پای غونډه د شرعیاتو محصلې خور عایشې لخوا د قران کریم په څو مبارکو ایتونو پیل شوه، چې ورپسې شیخ القران مولانا عبدالسلام عابد د حاجی عبدالرحمن مسجد امام د سوره کوثر او الکافرون سورتونو تفسیر تقدیم کړ.

ورپسې د خور عذراء متوکل لخوا ترانه وړاندی شوه او بیا د اخرني بنځه سورتونو تفسیر د افغانستان د مجمع علماء رئیس شیخ القران مولانا عبدالصبور لخوا وړاندی شو.

د سلام پوهنتون رئیس پوهاند دکتور محمد اسماعیل لبیب بلخی د قران کریم د زده کړی او پری ځان پوهولو پر اهمیت خبری وکړی او محصلات یې د قران کریم زده کولو او نورو ته رسولو ته وهڅول.

په اخر کې د قدرمنو میلمنو لخوا ۷۲ تنه چې په دوره کې یې شرکت کړی و اسناد توزیع شول او ګډونوالو ته عصریه هم توزیع شوه.

برنامه د تعلیم او تربیی پوهنتون استاذ شیخ القران مولوی مظهرالدین فایز لخوا په دعائیه پای ته ورسیده.

راپور کامران ملک


تبصرې:

نوې تبصره: